Do You Know FACTS travel

ഈ കോഡുകൾ ട്രെയിന്‍ കോച്ചുകളില്‍ രേഖപ്പെടുത്തുന്നത് എന്തിനു എന്ന് നിങ്ങള്‍ക്ക് അറിയുമോ?

ഈ കോഡുകൾ ട്രെയിന്‍ കോച്ചുകളില്‍ രേഖപ്പെടുത്തുന്നത് എന്തിനു എന്ന് നിങ്ങള്‍ക്ക് അറിയുമോ? January 28, 2018
Meaning of codes On Train Coaches

ഇന്ത്യയുടെ ജീവനാഡിയാണ് റെയില്‍വെ എന്നു തന്നെ പറയാം. രാജ്യത്തിന്റെ നാനാഭാഗത്തേക്കും പരന്ന് കിടക്കുന്ന റെയില്‍ ശൃഖല, ജനതയുടെ ഗതാഗത പ്രശ്‌നങ്ങള്‍ക്കുള്ള വലിയ ഒരു ആശ്വാസമാണ്. കുറഞ്ഞ നിരക്കില്‍ ദീര്‍ഘദൂരം സഞ്ചരിക്കാമെന്നതാണ് ഇന്ത്യയില്‍ ട്രെയിന്‍ ഗതാഗതത്തിന് പ്രചാരമേറാനുള്ള പ്രധാന കാരണം.
ട്രെയിനില്‍ യാത്ര ചെയ്യാത്തവരായി നമ്മളില്‍ ആരുമുണ്ടാകില്ല. എന്നാൽ ട്രെയിനെപറ്റിയുള്ള ചില അറിവുകൾ ഇപ്പോഴും നമുക്ക് പുതുമ ആണ്. ഇത്തരത്തിൽ ഒരു പോസ്റ്റ് അറിവുകളിൽ ഇതിനുമുൻപ് ഷെയർ ചെയ്തിരുന്നു.
എന്തിനാണ് ട്രെയിന്റെ അവസാന ബോഗിയ്ക്ക് പിന്നില്‍ X എന്നെഴുതുന്നത്.
ഇതുപോലെതന്നെ ഉള്ള ഒരു പുത്തൻ അറിവാണ് ഇന്നും നിങ്ങളുമായി പങ്കു വയ്ക്കുന്നത്.
നാമെല്ലാം കോച്ചുകളുടെ നമ്പര്‍ നോക്കി കയറാറുമുണ്ട്. ഉദാഹരണത്തിനായി റിസേർവ്ഡ് കോച്ചുകളില്‍ S1 , S2 ,S3… ഇങ്ങനെ, എന്നാല്‍ ട്രെയിന്‍ കോച്ചുകളില്‍ രേഖപ്പെടുത്തിയ രഹസ്യ കോഡുകളെ നിങ്ങള്‍ ശ്രദ്ധിച്ചിട്ടുണ്ടോ? ഇതിന്റെ അര്‍ത്ഥമെന്തെന്ന് ആരുമം ആലോചിച്ചിട്ടുണ്ടാവില്ല. ഇതിന്റെ അര്‍ത്ഥമെന്തെന്ന് നിങ്ങള്‍ക്ക് അറിയുമോ?
Meaning of Numbers or codes On Train Coaches

ഇന്ത്യയിലുള്ള എല്ലാ ട്രെയിന്‍ കോച്ചുകളിലും ഇത്തരത്തിലുള്ള ചില കോഡുകള്‍ രേഖപ്പെടുത്തിയിട്ടുണ്ട്. സാധാരണയായി നാല് മുതല്‍ ആറ് അക്കങ്ങള്‍ വരെ നീളുന്ന കോഡുകളാണ് കോച്ചുകളില്‍ ഇടംപിടിക്കുന്നത്.

ഇത്തരം കോഡിന്റെ ആദ്യ രണ്ട് അക്കം അതത് കോച്ചുകള്‍ നിര്‍മ്മിക്കപ്പെട്ട വര്‍ഷത്തെയാണ് സൂചിപ്പിക്കുക. ഉദ്ദാഹരണത്തിന് 8439 എന്നാണ് കോഡ് എങ്കില്‍ കോച്ച് നിര്‍മ്മിക്കപ്പെട്ടത് 1984 ലാണ് എന്നാണ് അര്‍ത്ഥം.

അതേസമയം, രാജധാനി എക്‌സ്പ്രസ് പോലുള്ള ഏതാനും ചില ട്രെയിനുകളില്‍ ഈ കോഡ് രീതി പാലിക്കപ്പെടാറില്ല. കോച്ച് സ്ലീപ്പറാണോ, അതോ എസിയാണോ എന്നാണ് കോഡിന്റെ ബാക്കി ഭാഗം സൂചിപ്പിക്കുന്നത്.
Meaning-of-Numbers-or-codes-On-Train-Coaches1
001-025 വരെയുള്ള കോഡ് അര്‍ത്ഥമാക്കുന്നത് എസി ഫസ്റ്റ് ക്ലാസിനെയാണ്. 025-050 വരെ സൂചിപ്പിക്കുന്നത് ഒരുമിച്ചുള്ള ഫസ്റ്റ് എസി, എസി ടൂ ടയര്‍ കോച്ചുകളെയാണ്.

050-100 വരെയുള്ള കോഡ് എസി ടൂ ടയര്‍ കോച്ചുകളെ സൂചിപ്പിക്കുമ്പോള്‍, 101-150 വരെയുള്ള കോഡുകള്‍ സൂചിപ്പിക്കുന്നത് എസി 3 ടയര്‍ കോച്ചുകളെയാണ്.

ഇത് കൊണ്ട് മാത്രം തീരുന്നില്ല. ബാക്കി കോഡുകളുടെ അര്‍ത്ഥം ഇങ്ങനെ —

151-200: എസി ചെയര്‍ കാര്‍

201-400: സ്ലീപ്പര്‍ സെക്കന്‍ഡ് ക്ലാസ്

401-600: ജനറല്‍ സെക്കന്‍ഡ് ക്ലാസ്

601-700: 2L സിറ്റിംഗ് ജനശതാബ്ദി ചെയര്‍ കാര്‍

701-800: സിറ്റിംഗ് കം ലഗ്ഗേജ് റേക്ക്
———
ഇത്തരം കൗതുകമുണർത്തുന്ന ലേഖനങ്ങൾ ഇനിയുമുണ്ട് അറിവുകളുടെ കലവറയിൽ

——–
ഒപ്പം WCR, EF, NF എന്നീ കോഡുകള്‍ യഥാക്രമം നിര്‍മ്മാതാക്കളായ സെന്‍ട്രല്‍ റെയില്‍വെ, ഈസ്റ്റ് റെയില്‍വെ, നോര്‍ത്ത് റെയില്‍വെകളെയാണ് വ്യക്തമാക്കുന്നത്. കോച്ചുകളില്‍ രേഖപ്പെടുത്തുന്ന മറ്റ് കോഡുകളുടെ അര്‍ത്ഥം —

  • CN: 3 ടയര്‍ സ്ലീപ്പര്‍ കോച്ച്
  • CW: 2 ടയര്‍ സ്ലീപ്പര്‍ കോച്ച്
  • CB: പാന്‍ട്രി കാര്‍
  • CL: കിച്ചന്‍ കാര്‍
  • CR: സ്റ്റേറ്റ് സലൂണ്‍
  • CT: ടൂറിസ്റ്റ് കാര്‍ – ഫസ്റ്റ് ക്ലാസ് (ബാത്ത്‌റൂം, കിച്ചന്‍, സിറ്റിംഗ്-സ്ലീപ്പിംഗ് കമ്പാര്‍ട്ട്‌മെന്റുകള്‍ ഉള്‍പ്പെടെ)
  • CTS: ടൂറിസ്റ്റ് കാര്‍ – സെക്കന്‍ഡ് ക്ലാസ് (ബാത്ത്‌റൂം, കിച്ചന്‍, സിറ്റിംഗ്-സ്ലീപ്പിംഗ് കമ്പാര്‍ട്ട്‌മെന്റുകള്‍ ഉള്‍പ്പെടെ)
  • C: കൂപ്പെ
  • D: ഡബിള്‍-ഡെക്കര്‍
  • Y: ലേഡീസ് കമ്പാര്‍ട്ട്‌മെന്റ്
  • AC: എയര്‍-കണ്ടീഷണ്‍ഡ്

Meaning of codes On Train Coaches | indian Railways

ഈ അറിവ് പുതുതാണോ, എങ്കിൽ സുഹുത്തുക്കളുമായി ഷെയർ ചെയ്യൂ... ❤